The Nest Restaurant & Bar

营业中

休息中

呢間印度餐廳好似係新開，位置方便，柯士甸A出口向偉晴街方向隧道一出就係。氣氛悠閒輕鬆，適合三五知己聊天或情侶。等左差唔多半個鐘終於上菜，原本有些嬲，但原來佢係煮好之後一次過全部上菜，都幾好。【烤羊架】很惹味，落左好多孜然，羊肉都嫩，但可能係雪左好耐。擺盤好靚，有四塊，配上雜菜底，都算唔錯。【燒秋葵】(唔記得英文名)今日之最，一定推介。秋葵好易燒得太林，但呢個軟度剛剛好，每一節都係成型的秋葵，又唔會生，好驚喜。醬汁係酸甜味，有啲印度特別調料，唔係簡單的茄汁味，齋食又得，送飯又得，堅好食。【北印度咖喱】唔辣，食到淡淡奶香椰香味，好食，配Naan食絕配。【印度式魚肉炒飯】(又唔記得英文名)魚肉係炸過，混合細長米的炒飯，又軟又入味，唔會太干，好滿意。兩人食300+蚊，仲有得打包，侍應態度非常好，我地話調位就幫我地搬嘢，同埋樣樣嘢都分量足，真心食得開心。