影片
更多
2012-03-09
1748 浏览
本身谂住同妈妈星期六朝早去附近问君x饮茶，因为见食评都唔错。点知入到去冇人理，落单叫嘢食，等咗15分钟个柜面阿姐先叫人蒸点心。谷鬼气走佬。就系咁，同妈妈两个行咗去对面商场，误打误撞咁上咗三楼呢间酒楼。11:30am先开始营业，摆明唔做早茶。入到去得一枱人，加埋我哋两枱，我同妈妈都心谂：「唔系呀？」Anyways，开茶坐低又睇吓点。叫咗六个点心，分别如下：灌汤小笼包：好多汤汁，皮都算薄。不过当然要趁热食啦﹗蜜汁义烧包：妈妈好钟意个馅，话d汁唔会杰都一pai pai。我觉得都好味道，唔会太甜。好怕d义烧包得个甜字﹗津菜滑鸡扎：我平时食鸡扎系唔会食旧鸡，因为觉得冇味同好鞋。但系呢次我食哂同埋觉得旧鸡好滑。唔知系咪冰鲜，唔识分，不过好味﹗芋粒素粉果：呢个埋埋。 个馅料唔系好夹咁同比较淡味，可能素粉果系咁挂。鲜虾波菜饺：好得﹗好好味﹗萝卜丝酥：d萝卜丝好爽好新鲜，唔系煮咗好耐，仲食到d草味。可能有d人唔钟意，但我觉得好fresh﹗大中小点一律$17，埋单总共$130。待应照呼好，到12点几都好多人到。总括嚟讲会再去﹗
11:30am先开始营业，摆明唔做早茶。入到去得一枱人，加埋我哋两枱，我同妈妈都心谂：「唔系呀？」Anyways，开茶坐低又睇吓点。
叫咗六个点心，分别如下：
灌汤小笼包：好多汤汁，皮都算薄。不过当然要趁热食啦﹗
蜜汁义烧包：妈妈好钟意个馅，话d汁唔会杰都一pai pai。我觉得都好味道，唔会太甜。好怕d义烧包得个甜字﹗
津菜滑鸡扎：我平时食鸡扎系唔会食旧鸡，因为觉得冇味同好鞋。但系呢次我食哂同埋觉得旧鸡好滑。唔知系咪冰鲜，唔识分，不过好味﹗
芋粒素粉果：呢个埋埋。 个馅料唔系好夹咁同比较淡味，可能素粉果系咁挂。
鲜虾波菜饺：好得﹗好好味﹗
萝卜丝酥：d萝卜丝好爽好新鲜，唔系煮咗好耐，仲食到d草味。可能有d人唔钟意，但我觉得好fresh﹗
大中小点一律$17，埋单总共$130。待应照呼好，到12点几都好多人到。
总括嚟讲会再去﹗
张贴