Parkview (新都會廣場) (已結業)

几个姊媒一齐行街，下午茶时间就揾个地方坐底食个 tea，发现商场里面大多数嘅铺头都爆满，就见到呢一间仲有位就入去食，原本就冇谂过好唔好食，务求坐低 揾啲嘢食下就咁算。十个女仔，可能有九个钟意食甜嘢，虽然我唔算系甜魔一族，但都总有个甜品胃， 我就叫咗一个 朱古力千层蛋糕。呢个朱古力千层蛋糕个 presentation 都好靓，重伴随一件雪糕球， 用刀切落去个千层蛋糕都感受到系一层一层，好有手感咁去，食落口又有咬口感，蛋糕又滑真系唔错，虽然唔能够同 Lady M 相比，不过都总算系有 surprise 嘅。 真系意料之外嘅惊喜。