Manecy's Studio Restaurant (已結業)

餐厅可以拣放题或者散叫，我哋拣咗放题，有自助沙律同cold cuts，仲有啲炸物。饮品包柠茶柠水苹果汁橙汁，主食就落单等厨房整。自助𠮶part，哈密瓜好甜，配parma ham好味。番茄仔同酸瓜等都满意。饮品𠮶边有冰有茶有柠檬可以自己冲柠茶，好过饮苹果汁橙汁。放题好处系乜都可以试吓，啱心水仲可以嚟多转。首先上枱有猪手配酸菜，皮偏硬干身，但够香有肉味。肠仔有唔同选择，我哋拣咗维也纳肠同慕尼黑白肠，好似德国食到𠮶啲咁，再配芥末，谂返起以前去旅行嘅日子。小食试咗黑松露鸡蛋、鸡串同芝心鸡翼。本身见到鸡蛋以为中伏，但系食落又几好味。卡邦尼意粉好味！够咸香，唔会太湿或太干，又有芝士味。$238一位加一，好擦得嘅话呢个放题都几抵。