NUTTEA (宏利金融中心) (已結業)

以前去台湾就已经有帮衬，后来知佢开去香港。但地方都好偏，所以一直都无去试。个日约左朋友去观塘海滨，之后佢讲起我乳糖不耐症可以饮坚果奶，话观塘有。去到发现原来系依间我地睇menu个时女店员都有话可以介绍返，同埋时间都晏，佢都好细心讲返有边d卖晒。不过我同朋友都有选择困难症，所以都拣左几耐下。最后我拣左柠檬坚果奶，朋友拣左草莓坚果奶。我地都点无糖，但女店员话会好酸，建议我地要微糖。咁我个杯柠檬就要微糖，朋友就依然无糖。好快就有饮品！！！男店员都细心地问我需唔需要饮管。因为我一向系无吸食物就唔会用。我就问入面应该无要吸食既嘢？男店员好风趣答有几片柠檬。咁我就唔需要饮管～随手影张相急不及待要试饮！无谂过柠檬坚果奶系咁清新可口！酸酸甜甜，加埋浓厚坚果奶，就好饮饮紧柠蜜yogurt一样！！！！！不过我觉得唔系好酸，下次可以试下无糖！柠檬依杯真系打开新世界～无谂到会咁好味！好岩我口味！至于朋友个杯草莓无糖的确都唔算好酸，都系好新鲜果味！饮到最后，又真系有几片柠檬系入面😂绝对真材实料！