影片
更多
2023-07-09
538 浏览
女朋友生日 终于储够钱同佢食omakase喇🤓首先前菜已经惊艳到我地 温室蕃茄 甜度食落似用糖煮过 南瓜完全扭转左本身对呢样食物既谂法 恰到好处 甜 唔会太硬/太烂 小鱼干配合桃食落过瘾开胃之后上茶碗蒸 配料有黑松露 日本白虾 黑松露香口 食落口有淋有脆好有趣 捞均食简直想伸条脷落去奶干净个碗仔😜其次到刺身 师傅建议唔好点豉油食 从来只系食开比较平既日本餐厅刺身既我地听到有d不敢相信 但试过后的确系食紧最原汁原味既鲜选食材 唔同以前净系识点劲多豉油wasabi咁重口味最期待既寿司到喇 终于有饭入口🤣 听讲大部份omakase都系会由淡到浓咁食 但现场师傅做法系一件浓一件淡咁食 好似同条脷玩游戏咁 今日师傅主打做吞拿鱼 夹住其他有 雪鱼 鳗鱼 鹅肝 和牛等 当日因为闲日下午时间师傅得闲净系服侍我地 做一件食一件 本身有社交恐惧症既我地有d尴尬癌发作 但成个过程师傅好似一个好nice既教书老师咁一路介绍一边出下问题考考我地 有倾有讲好似朋友咁 亦增长左小小对日本鱼既知识 师傅唔单止表演得好睇 仲好识得同客人互动 我同女朋友都食得好开心放松食完饭后饮左个汤之后又食饭喇😮最后既主食系松叶蟹丼饭
首先前菜已经惊艳到我地 温室蕃茄 甜度食落似用糖煮过 南瓜完全扭转左本身对呢样食物既谂法 恰到好处 甜 唔会太硬/太烂 小鱼干配合桃食落过瘾开胃
之后上茶碗蒸 配料有黑松露 日本白虾 黑松露香口 食落口有淋有脆好有趣 捞均食简直想伸条脷落去奶干净个碗仔😜
其次到刺身 师傅建议唔好点豉油食 从来只系食开比较平既日本餐厅刺身既我地听到有d不敢相信 但试过后的确系食紧最原汁原味既鲜选食材 唔同以前净系识点劲多豉油wasabi咁重口味
最期待既寿司到喇 终于有饭入口🤣 听讲大部份omakase都系会由淡到浓咁食 但现场师傅做法系一件浓一件淡咁食 好似同条脷玩游戏咁 今日师傅主打做吞拿鱼 夹住其他有 雪鱼 鳗鱼 鹅肝 和牛等 当日因为闲日下午时间师傅得闲净系服侍我地 做一件食一件 本身有社交恐惧症既我地有d尴尬癌发作 但成个过程师傅好似一个好nice既教书老师咁一路介绍一边出下问题考考我地 有倾有讲好似朋友咁 亦增长左小小对日本鱼既知识 师傅唔单止表演得好睇 仲好识得同客人互动 我同女朋友都食得好开心放松
食完饭后饮左个汤之后又食饭喇😮最后既主食系松叶蟹丼饭 夹有其他刺身 本身听个名以为就咁用匙羹食好似d日式丼饭咁 但师傅安排左d紫菜俾我地 除左把口郁之余我地对手都有d野可以玩下🤓拎起块紫菜自己包料俾自己食 绝对过瘾
最后有个雪糕甜品 有精美既朱古力生日祝福之余店内仲有专业既摄影服务 氹得我地劲开心☺️第一次食omakase 本来抱住一个贵夹唔饱既谂法黎食 我地都无食早餐 最后竟然捧住个肚出门口🤣师傅话9-11月会有特别鱼食 绝对会番转头再试🤓
5 浏览
0 赞好
0 留言
7 浏览
0 赞好
0 留言
7 浏览
0 赞好
0 留言
张贴
