我也愛你咖啡館

营业中

休息中

今日带完阿仔上完喺艺术中心上完兴趣班之后，阿仔话好想试吓间咖啡店，抱住一试嘅心情嚟试吓，点知有意料之外嘅惊喜。我哋嗌咗一个烟三文鱼班尼迪蛋，加一个素肉汉堡包餐。首先个班尼迪蛋到，个面包底烘到好脆，上面啲烟三文鱼质量唔差，份量多，啖啖有。Cp值高。👍👍个素肉汉堡包餐到，个粗薯条阿仔劲钟意食，一上菜就即刻食晒啲薯条，薯条到盐嘅份量落得几好，唔会太咸。个包睇落卖相几好，阿仔话好食。堂食环境好靓，好文青。侍应态度好好，对小朋友好有耐性。可惜没有儿童餐，个包餐份量对个小朋友嚟讲太多，食唔晒。如果有儿童餐啊，相信会吸引到更加多嘅小朋友家庭嚟，始终上边系学习兴趣班嘅地方。