影片
更多
2024-06-04
2065 浏览
《The Francesco - 大角咀》一向都知大角咀好多隐世美食，但系除咗特别知名嘅𠮶几间食店之外，其实喺大全街附近都真系好多特色小店可以试吓🤓呢一间西餐厅喺早前见有唔少人介绍，听讲佢哋嘅牛扒餐大件夹抵食，本来都真系想试吓，但系奈何最近食得太多肉，所以都系食返意粉沙律比较好啲，今次冇叫套餐全部都系散叫，一共叫咗一个汤、一款沙律、一个饭同埋意粉两个人share食，份量几足够，卖相都几精致㗎💁🏻♀️龙虾汤 $58前菜我哋都系叫咗个龙虾汤share饮，比我想像中浓郁同埋有忌廉嘅香味，如果有蒜蓉包可以点吓就正啦☺️💁🏻♀️烟三文鱼凯撒沙律配多士 $98烟三文鱼配凯撒沙律个份量算几多，成座凯撒沙律山咁样😍三文鱼同样都比得好多我哋，最少都有五六片，而凯撒沙律个汁混和左芥末酱，有少少微微攻鼻好开胃，冇一般凯撒汁咁腻💁🏻♀️鱿鱼须墨鱼汁意大利饭 $138我今次就拣咗墨鱼汁意大利饭，个饭黑蚊蚊咁一见到已经觉得好吸引，上面仲放咗六七条炸香左嘅鱿鱼须，成件事本来就好吸引☺️个饭调味调得刚刚好唔会太过咸，食落好香浓嘅墨鱼汁香味，拍拖千祈唔好点呢一个饭啊😂如果唔系笑起上嚟啲牙黑蚊蚊咁就好滑稽啦💁🏻♀️黑松露野菌
一向都知大角咀好多隐世美食，但系除咗特别知名嘅𠮶几间食店之外，其实喺大全街附近都真系好多特色小店可以试吓🤓呢一间西餐厅喺早前见有唔少人介绍，听讲佢哋嘅牛扒餐大件夹抵食，本来都真系想试吓，但系奈何最近食得太多肉，所以都系食返意粉沙律比较好啲，今次冇叫套餐全部都系散叫，一共叫咗一个汤、一款沙律、一个饭同埋意粉两个人share食，份量几足够，卖相都几精致㗎
💁🏻♀️龙虾汤 $58
前菜我哋都系叫咗个龙虾汤share饮，比我想像中浓郁同埋有忌廉嘅香味，如果有蒜蓉包可以点吓就正啦☺️
💁🏻♀️烟三文鱼凯撒沙律配多士 $98
烟三文鱼配凯撒沙律个份量算几多，成座凯撒沙律山咁样😍三文鱼同样都比得好多我哋，最少都有五六片，而凯撒沙律个汁混和左芥末酱，有少少微微攻鼻好开胃，冇一般凯撒汁咁腻
💁🏻♀️鱿鱼须墨鱼汁意大利饭 $138
我今次就拣咗墨鱼汁意大利饭，个饭黑蚊蚊咁一见到已经觉得好吸引，上面仲放咗六七条炸香左嘅鱿鱼须，成件事本来就好吸引☺️个饭调味调得刚刚好唔会太过咸，食落好香浓嘅墨鱼汁香味，拍拖千祈唔好点呢一个饭啊😂如果唔系笑起上嚟啲牙黑蚊蚊咁就好滑稽啦
💁🏻♀️黑松露野菌卡邦尼扁意粉 $128
而另外一款主食就拣咗黑松露野菌卡邦尼扁意粉，黑松露嘅味道都几出，每一啖都食到有菇菌嘅味道，而佢个白汁我就觉得可以再浓郁少少就更好啦，不过个扁意粉都可以挂到汁，食落个意粉十分软滑👍🏻推荐
张贴
