Hugo Le Resto Grill (已結業)

唔系上openrice 都唔知呢栋大厦入面系有餐厅，估唔到都有唔少人识上黎。佢呢度叫个set lunch 就可以包自助沙律包，都几抵食。✨沙律bar 大约有十款配料，有粟米仔，蜜桃，洋葱，车厘茄，青红黄椒等等。另外仲有d 烟肉碎，面包粒同三款酱汁。✨沙律菜都几新鲜，最钟意就系蜜桃，粟米～简单配个千岛酱同胡麻酱都几好食。食食下仲refill 左有秋葵～～✨餐汤粟米汤真系啖啖都系粟米蓉，好甜好好饮 ,蒜蓉包都好香脆。✨牛肝菌忌廉阔条面（$118): 个汁比较杰，面条非常挂汁。我好钟意个汁～好浓郁好creamy, 仲有芝士既香味。 个阔条面质感同平时食既有d 唔同，呢个系好爽口既，d什菌配埋个汁真系好好味。✨意式香草海鲜扁意粉（$118): 本身其实系叫黑松露忌廉饭，但佢落错单，见佢个样好似几好食🤣所以要左，费事再食忌廉怕会漏。✨佢d 海鲜全部都煎香过，有虾，鱿鱼，三文鱼，大蚬～～食得出有鲜味。 意粉烟烟韧韧，入面仲有青红黄椒，杂菌，食完忌廉果款再食呢款几清新。✨以铜锣湾黎讲呢度性价比都几好，环境系静同舒服，如果可以多件cake 食就更加完美。