Oliver's Super Sandwiches (已結業)

晚餐時間到，又一城呢邊話多唔多，話少唔少，都有幾多餐廳選擇，但唔係間間啱我食，有啲係價錢唔啱，有啲係味道唔啱。唔想食快餐店，又想快啲，除咗M記，就係Super sandwich。呢度嘅焗薯幾好食，但我今次只係食普通嘅意大利麵，因為價錢唔算好貴。但係咁就中伏啦，單睇賣相，已經唔係好吸引，只係焗熟咗意大利麵，再喺義大利麵上面加一pat醬上去，食入口，同食頹飯冇分別，啲忌廉醬食落去真係好膩，而且忌廉都唔算好健康，真係好失望呀，有機會唔會再食。