意粉屋 (已結業)

难得放假得闲就约左朋友，去左意粉屋lunch，钟意呢到舒适既环境，坐得又舒服，侍应服务态度又亲切，野食又岩我地食之余又好食！首先黎碗南瓜汤，香浓又creamy，每一啖都好滑芝士焗肉酱阔面，浓郁既蕃茄酱加埋芝士铺系阔面上，卖相已经好吸引，咸咸既芝士遇上酸味味既肉酱，简直系最好配搭，呢到厨房师傅味道调教得好好味，阔面既口感亦相当唔错，唔会太淋又唔会太硬，真系愈食愈开胃！苏格兰烟三文鱼凯撤沙律配香蒜多士，挂住食食晒烟三文鱼先记得影相，三文鱼咸咸几好味，沙律菜几新鲜爽甜同好干净配埋特制酱汁好好味，配料仲有碎蛋沙律，蟹子，蕃茄，牛油果，捞埋一齐仲更加好味添！大大块既蒜蓉包都焗得好香脆唔错，餐汤好够味好浓郁亦唔错！