M18 (已結業)

一个人的晚餐，平常会去九龙湾，但已经无乜餐厅未食过（当然唔系食匀咁劲，只系无乜想试嘅餐厅）我今晚决定开发新地方，去乐富揾食（因为都有小巴返屋企）逛下街兼上网睇下，拣了呢间因为唔系连锁式西餐厅，去到似咖啡店格局，设计好新潮简约，木桌金属椅，先去收银落单，俾钱后店员会即刻比餐汤饮品我攞埋位，加个号码牌！之后店员会跟号码上埋其他！店员比较cool但讲解好详尽！餐汤：龙虾汤，够热！用个有耳仔嘅碗，好似饭大咖啡杯咁，龙虾味好浓，口感几滑！黑松露什菌意粉（$65）卖相好靓，伴碟一大块蒜茸包！不过唔够脆，蒜茸味唔香！口感好寡，结果食唔晒，如果浸汤会好味啲，但上意粉时，我已经趁热饮晒碗汤！点解蒜茸包唔跟汤比埋我呢？主菜意粉够咬口（我喜欢嘅口感）好多什菌，不过什菌带酸味，什菌放太耐，太熟成嘅酸味！忌廉汁唔觉松露味，而且比较水！唔够浓，应该系意粉脱水唔够！所以令到个汁水咗！味道其实唔错！可惜！Mocha(跟餐加$6）要加钱先可以饮「M18咖啡系列」见住店员用咖啡机做！咖啡味道易入口！不过唔太浓！朱古力味相对重啲！未到咖啡店嘅水准！香芒慕丝蛋糕（跟餐加$16）本来堂食，一落单店员就会将件蛋糕夹上碟留起（我拣