Pici

营业中

休息中

晚餐想食意粉，听朋友讲过Pici有手造意粉食，决定去试试。餐厅环境比较暗，侍应多是外国人。晚餐有套餐亦可以散叫。我地最后决定叫一个二人转餐。落左单，侍应好快就奉上用纸袋盛载面包，我一向对西餐既面包都有期望，食时要微暖，同埋外脆内软，呢到既面包唔暖，亦唔系外脆，好似放左系到好耐咁，有点失望。前菜点左肉丸，卖相唔错，我无食，老公就觉得味道ok。主菜我地加钱点左黑松露细扁面同埋墨鱼汁结他面。先上黑鱼汁结他面，一上枱就闻到好香既烤虾味，只虾都几大只，肉质都爽，黑鱼汁面食落有点咸香味，唔系只系得墨鱼汁色，面质有咬口，唔会好淋，煮得够干身，碟底唔会水汪汪。跟住再上黑松露细扁面，我个人好仲意食扁面，第一次食黑松露系一片片铺系面上面，个汁刚好挂住每条扁面，配埋黑松露一齐食都几夹，个汁其实都几浓味，但又唔会盖过黑松露既味，唔错。套餐包两杯饮品同两个甜品。甜品只有两个选择，一款系Tiramisu, 另一款系意式奶涷，两款都点黎试下。奶冻都几滑，Tiramisu一向都唔系我favor, 试左一啖，味道正常啦。