WM Café & Bar (科學園) (已搬遷) 新店位置

天气凉凉地，最适宜去踏个单车，今日由沙田踏去大埔来回，回程时去到科学园附近，已差不多两点，感到少少肚饿，所以决定系科学园食个午餐先，行下行下，去到W5区的企业广场，都有好多间食肆，可能星期六的关系，大部份食肆唔算太多人，反而见到一间已经布置左好有圣诞气氛的餐厅，坐满人，决定试呢间，地方唔算大，但有一边系玻璃，自然光感觉舒服，餐厅系半自助型式，睇完餐牌，自行到收银处落单，即时付款，就可以坐定定等服务员送餐去到你张枱，如果想要水同其他调味品，都系自己去取，我自己order安格斯牛肉芝士汉堡，冻泡沫咖啡，块汉堡真系好厚，讲明足八安士，唔错，再配粗薯条，薯条外脆内软，朋友就选择海鲜忌廉墨汁意大利粉，冻朱古力咖啡，意粉好足料，有青口，虾，鱿鱼，忌廉汁味道同意粉口感都好好，份量足，下次有机会再去, 一定再试其他口味意粉。