Y Pasta (已搬遷) 新店位置

呢间餐厅位于铜锣湾一个比较冷门嘅大厦，唔似得大路嘅选择，例如时代广场、利希慎同埋铜锣湾广场，要Openrice search先至会醒起呢度有嘢食。呢幢大厦都几多选择，入到餐厅，可能系比较早嘅关系，人唔算好多。环境宁静，报置都有用过心机，坐落去都几舒服嘅。三五知己倾计都系一个唔错嘅地方。我同朋友散点左几个菜式。1) 黑松露酱鲜带子意粉 (⭐⭐⭐⭐⭐)呢间餐厅主打意粉。意粉嘅款式好多，由扁面、天使面、米仔分、螺丝粉、蝴碟粉唔同种类嘅都有，好特别。不过我都系点左个安全嘅天使面。卖相吸引，分量大概有三粒带子喺。黑松露嘅味令到天使面增添色彩。2) 黑松露野菌汤 (⭐⭐⭐⭐⭐)黑松露令碗汤好惹味。黑松露既汤真系好少喺出边食得到。饮汤之余，仲有野菌，令汤嘅层次丰富。3) 巴马火腿薄饼 (⭐⭐⭐⭐⭐)应该系较为冷门嘅选择，有火腿、火箭菜放喺薄饼上面。虽然有啲难切，因为火腿推成一旧，但系都值得一试。4) 杏桃挞 (⭐⭐⭐⭐⭐)作为饭后甜品，杏桃挞系由杏仁同埋桃组成，甜甜地、酸酸地，但系又唔会太甜。而且啲汁都几好味。最后埋单好似＄400，性价比OK。整体嚟讲，系唔错嘅选择。