Nonsense

平日都有唔少人聚餐/庆生，虽然位置唔方便，主食方面价钱略贵，但服务好好，又冇限时。次次都见到人推荐佢嘅特色煲仔饭，但我觉得佢嘅巴斯克更加抵食高质！*松叶蟹甲罗盛•海鲜•日式煲仔饭 $198先将蛋黄同蟹膏蟹肉捞匀，再倒入煲仔饭，将所有海鲜捞埋一齐，按自己喜好加入豉油。整体味道好淡，一定要倒豉油，鲜味微乎其微，完全食唔出蟹膏味，而且冇煲仔饭嘅焦香味。炸软壳蟹椰香喇沙扁意粉 $168意粉煮得啱啱好，偏硬啱我口味，喇沙汁微辣又够浓厚。炸软壳蟹脆卜卜，炸衣略厚，份量偏小。海苔炸单骨鸡翼 $68鸡翼调味偏淡，紫菜味微乎其微，海苔属于点缀性质，唔推荐。焙茶巴斯克配NONSENSE自家制Creme Brulee $58巴斯克外焦内软，焙茶味浓而唔涩，隐约有芝士奶香，高质之选！焦糖略厚，炖蛋有蛋香但偏甜，质地有啲嚡口，拣雪糕会比较好。开心果巴斯克 （7吋） $2984点左右打去预留拎走，第二日庆生切蛋糕。虽然外表平平无奇，但系佢做咗巴斯克蛋糕嘅要求：外层焦黑、内层软心，芝士味同开心果味啱啱好互相平衡到，果仁味唔系特别浓郁，但食得出开心果味，真心好抵食。