Dr. Italian Pizza & Pasta (已結業)

最近好钟意去Gogo mall food court 食嘢，因为有好多的小食店，同各样嘅美食选择，例如章鱼烧， 皱皮肠粉， burger，肉骨头等，每间小店都各有特色同招牌菜式。 今次来试下呢间在7月份新开张良心小店，主打既pizza同意粉。点完餐等左10分钟就有得食，好快手。2-3人餐 $150啖啖肉细批 Pizza 8吋大，饼底好脆，非常足料，有粟米，火腿，辣肉肠，肉粒，芝士。 果然啖啖肉，哈。即叫即整，热辣辣，芝士味又香浓。特浓芝士汁粟米带子意粉绝对值得一试，意粉软硬度适中，唔会过淋。而个芝士酱好creamy好香浓，又唔会盖过带子嘅鲜甜味。细鸡软骨粒粒香脆惹味，有少少椒盐七味粉，炸粉唔厚， 可以一试小食。提拉米苏用Cream cheese整，中间𠮶层系栗子蓉，咖啡味唔算太浓。奶冻士多啤梨味奶冻不过不失， 饭后甜甜嘴。