MARKA HOUSE

营业中

休息中

荃湾西如心广场呢间有好多落地玻璃既餐厅，位于商场转角位，经过好多次无入去食，今晚得闲终于试下。夜晚8pm左右入座，人唔算多，3成满左右；环境好舒服，枱同枱之间阔落。咁我就坐窗边位，有窗外马路风景睇下。餐厅用QR code落单，选择并不多，最平的食物都要100up，大家记得带多d钱。桌上有齐餐具同水，装水既饮器几摩登，够水饮。叫左个黑松露意粉同南瓜汤，意粉入口几好食，质感系al dente（虽然我未食过真正al dente，但同普通淋patpat既意粉唔同）汁唔算多，但几挂到系意粉到，味道唔错。食完会比较干，可能平时食开多汁既港式意粉南瓜汤不过不失。整体而言，食品唔差，环境舒服同安静，岩同人食饭吹水。附近仲有间店卖日式杯碟，极靓。