Burger Joys (士丹利街) (已結業)

前排冇得做GYM, 成个人瘦哂!! 而家要做番够本再食番多D野上下磅先得!! 讲到上磅, BURGER就唔少得啦! 系中环做完GYM, 行过去丹利街, 离远都认得佢个红色SHARP醒招牌。餐厅有半开放式既厨房, 可以见到外籍店员系入面忙到一头烟~ 另外又有电视MON比客睇波, 岩哂中意边食边饮边睇波既人呀。CHEESE BURGER $109我自己偏向食番CLASSIC既BURGER, 因为简单原原始通常都系最好味 !新鲜即整够, 面包外皮烘过所以入口微微带脆, 味道甜甜香香咁, 加上爽脆既生菜, 蕃茄, 香浓既CHEESE, 夹住既汉堡肉厚身兼劲JUICY, 牛味重, 一啖咬落去真系好过瘾满足!食BURGER又点可以冇薯条, 加$41转餐, 幼身既薯条脆口薯味又香, 唔洗点酱都好好味。再加左杯奶昔, 叫左VANLIILA, 劲CREAMY同有奶香, 面头仲加左CREAM, 正!CLASSIC BUFFALO WINGS $59/6PC去亲BURGER店或者美式风味浓厚既餐厅, 一定会想试下佢既BUFFALO WINGS, 个阵独有既香辣味加上浓味既BLUE CHEESE酱, 绝配~