The Market

适逢爱人旧历生日，同爱人家人一齐食饭庆祝。好好彩就算waiting list 都有位，仲要系星期六，真难得6点45分左右就到左，原来已经好多人开始左啦!!冷盘海鲜：开边龙虾：好好味，好清甜，好多膏（食左好多）青口：细细只但好鲜甜长脚蟹：偏咸龙虾仔：冇食虾：普通货色蟹钳：好大只，可以一试即开生蚝：一碟3只，新鲜但偏瘦，都叫好味，食左差不多一打有好多唔同既sauce可以加，青色的泰式海鲜汁尤其吸引。但建议第一轮咩都唔加，试真d海鲜本来的鲜味刺身选择很多，最基本既三文鱼，吞拿鱼，墨鱼...最惊喜系有带子同甜虾带子仲要系珍宝size，食左几粒后有点「漏」最失望系蟹籽沙律，冇咩蟹籽，仲要雪得太冻，结果结左冰热盘选择唔叫多，但样样都令人会encore海南鸡饭份量细细，好好味，油饭比较出色。猪颈肉好香，外表非常吸引，食落都正。中式炖汤系椰子炖鸡，细细盅好浓好足料西汤系蘑菇汤，好有惊喜㖞，汤中有蘑菇粒粒㗎！！好正，好浓，好重菇味！！家人话喇沙好好食，连续食左两碗，行动表示有几正蟹粥都绵绵地，几好饮㗎！成晚最经典系榴莲挞，超正！好食到不得了！细细粒，一粒一啖，尤其系刚焗起的超松化到依家都仲好挂住粒榴莲挞