等一隻貓咖啡 (已結業)

囡囡好钟意猫，呢个暑假大大话话已经带佢去咗三四间唔同嘅猫cafe，呢间可以话系我最满意嘅一间。首先讲价钱 ，佢头一个钟就68蚊之后每个钟38蚊， 每个钟包一个饮品， 价钱好合理。环境方面空间感好大， 入到去只有八张枱， 人猫比例合理， 而且米色嘅他他米，感觉好干净企理，最重要系佢冇猫骚味。全间店大概有11至14只猫， 全部都可以摸，但就唔可以抱因为佢哋浪浪出身， 可能对人仲有戒心，而且猫仔钟唔钟意人哋抱。 虽然名种猫唔多， 但佢有啲细猫好活跃，瞓醒咗之后就跑来跑去咁玩， 见到觉得好疗愈。 因为之前去咗旺角另外啲 猫cafe好迫， d猫连活动嘅空间都冇，要坐系食客d袋， 感觉好差。套餐食物都好味， 最钟意食佢鸡翼，点左两客， 鸡翼大大只唔太咸，感觉健康。 汉堡包加薯条大大份。饮品方面杯绿茶鲜奶又靓又好味，打卡一流，我女𠮶个棉花糖冻朱古力睇落都好靓。下次嚟想试埋佢嘅蛋糕，见食评似乎几好食。