回家湘

营业中

休息中

识得耐嘅人都知我系钟意食辣嘢，前排经过佐敦见到有间新开嘅湖南菜，即刻约爱辣宝宝一齐去！😍入到去间舖头好舒服，冷气好大，食辣嘢都唔怕热😂😂佢标榜唔做预制菜，全部即叫即炒，我哋落咗单之后，都听到厨房系开大路喺度炒嘢嘅声。我哋两个女仔，叫咗三个𩠌，加一个主食，好大份好足料。鲜炒黄牛肉$148系佢嘅招牌，有个火热住上菜，牛肉超多，而且肉味浓。仲有蒜粒同埋辣椒，啲蒜粒都好好食。干锅酸菜肥肠$138呢个又系有个火热住上嚟，食到最尾都仲系热辣辣。入边有好多青椒同埋酸菜，超级惹味肥肠洗得干净，有少少浓𠮶啲位仲好食。雪里红肉沫 $78唔好睇佢好似一碟绿色嘅菜，但系佢全部都好入味，清脆加埋啲肉末，味道好夹。呢个会忍唔住不停食。银丝卷$39由于我哋唔想食饭，所以嗌咗呢一个银丝卷，佢一笼有五个，热辣辣啱啱蒸完就上菜，我哋用嚟送啲𩠌都好夹。舖头真系干净又舒适， 2楼仲有可以包房。得闲经过佐敦，想食辣嘢嘅，可以过嚟试吓。