來多碗車仔麵 (路德圍) (已結業)

我地叫左兩個車仔麵同三碟小食。先讚湯底! 好濃而且要試舖頭自己調既辣醬，佢唔算好辣，所以怕辣既朋友落一羹都得，可以令個湯更惹味咖! 如果愛辣既朋友，就可以試另一款再勁啲既辣醬，都係係收銀位置前自己加就可以咖喇!7餸車仔米線👉🏼蘿蔔、芝士腸、章魚燒、魚蛋、菜肉餃、生菜、腐皮卷特別一提係蘿蔔好淋好入味! 至於章魚燒係舖頭特別推介的，但唔係食開既一般日本章魚燒，個人覺得只係有啲墨魚碎加啲蔬菜粒既魚蛋🙈而另一個五餸車仔麵最值得推介的就是他的特色牛丸，非常爽口彈牙，而且又非常之濃郁的牛肉味道，令我食完仲想再order.而在小食當中每款小食都各有特色。首先秘製豬手制味道十分濃郁，非常入味，豬手煮既時間岩岩好，唔會太淋，如果中意食豬手既人一定唔好放過佢！而個秘製魯肉味道好夠，可惜肉質偏硬，本人中意食魯肉隻個種軟身既肉，但如果你中意食硬身，爽口既肉，咁呢個秘製魯肉就會好岩.最後個鴨血湯，鴨血唔會一夾即散，呢點值得讚，而由於煮左較耐，所以都比較入味，總結就是鴨血很出色，但鴨血湯入面既大腸就一般般，因為煮得太淋，無曬大腸既特色，雖然味道夠，但口感欠佳，但鴨血還是可以拯救大腸的失色既～