Bâtard (已結業)

三五知己谈心好地点，交通唔算非常方便，如果揸车，要自己喺附近揾泊车地点，但环境清幽，晚市去食，非常宁静，私隐度极高。酒窖喺必去打卡地点，几乎讲得出嘅年份嘅酒都喺度揾到。呢度嘅侍应介绍得详细，每种酒都介绍到佢嘅特点，食物嘅特色都介绍得好仔细，连点令啲饭干身啲嘅方法都有研究。前菜建议试多啲，因为每一种都有佢嘅特色，满足到每一个感官，色香味俱全，唔止打卡满足到，每种食物嘅味道拼埋一齐好夹。侍应介绍鸡同牛都系好食。如果可以，两种都必须要试。非常好味，只鸡好滑，啲饭干湿度适中，啲饭吸晒鸡嘅香味。牛、软硬适中，味道调校到突出牛嘅香味，又唔会太咸。甜品高质，但唔会令人哗然。重点系啲酒杯好靓，平时钟意带自己酒杯饮酒嘅人，嚟到呢度绝对唔需要带自己嘅私家杯，用呢度嘅酒杯一定满足到你。钟意嘅可以喺度买返只酒杯。