影片
更多
2015-09-14
370 浏览
今日早左黎元朗，系未够钟揾师傅淋巴排毒嘅时候，系附近行下谂住食少少野先。见到呢一个 "老点"嘅牌照，不觉会心微笑。因为系广东话来讲 "老点"系咩意思, 相信大家都知，只系我好奇咩原因，点解一间食肆会用左呢个名来做招来？究竟佢哋系食乜嘢嘅呢？入咗去望一望，原来系食点心既！嘅装修系传统嘅中式设计，好令人受落。而且店内仲挂有一啲诗句，更添味道。由于一心净系想食少少嘢食点心，都系一个好唔错嘅选择。一盅几件，唔会太饱，所以就决定坐低。每张枱有一本点心纸，由于呢一间食点心同传统嘅酒楼有啲唔同，冇一壶茶俾你你自己慢慢叹，要饮茶就要叫店员过嚟添茶。虽然每个人头都有 HK 3茶费嘅收费。我觉得茶冇好饮，所以先叫咗个黑芝麻豆浆＄12，唔贵。睇到佢宣传嘅餐纸上既介绍，原来呢度嘅点心师傅来头唔少。而且非常注重用料，同埋食材，睇完后对呢一间噱头嘅食肆有啲另眼相看。而且佢好识做推介，餐纸上面写咗好多佢哋啲人气之选，令人心郁郁咩都想试。仲有，佢唔系净系卖传统嘅点心，有一啲Fusion 嘅迷你汉堡，用左中式材料同煮法，去做嘅西式汉堡，睇落非常得意，就系咁左点，右点，叫左一堆点心。呢个唔系老点小汉堡 (HK 22)，小
见到呢一个 "老点"嘅牌照，不觉会心微笑。因为系广东话来讲 "老点"系咩意思, 相信大家都知，只系我好奇咩原因，点解一间食肆会用左呢个名来做招来？
究竟佢哋系食乜嘢嘅呢？
入咗去望一望，原来系食点心既！嘅装修系传统嘅中式设计，好令人受落。而且店内仲挂有一啲诗句，更添味道。由于一心净系想食少少嘢食点心，都系一个好唔错嘅选择。一盅几件，唔会太饱，所以就决定坐低。
每张枱有一本点心纸，由于呢一间食点心同传统嘅酒楼有啲唔同，冇一壶茶俾你你自己慢慢叹，要饮茶就要叫店员过嚟添茶。虽然每个人头都有 HK 3茶费嘅收费。我觉得茶冇好饮，所以先叫咗个黑芝麻豆浆＄12，唔贵。
睇到佢宣传嘅餐纸上既介绍，原来呢度嘅点心师傅来头唔少。而且非常注重用料，同埋食材，睇完后对呢一间噱头嘅食肆有啲另眼相看。
而且佢好识做推介，餐纸上面写咗好多佢哋啲人气之选，令人心郁郁咩都想试。仲有，佢唔系净系卖传统嘅点心，有一啲Fusion 嘅迷你汉堡，用左中式材料同煮法，去做嘅西式汉堡，睇落非常得意，就系咁左点，右点，叫左一堆点心。
呢个唔系老点小汉堡 (HK 22)，小汉堡系近期西式菜式好有人气嘅菜式，估唔到呢度都有一个属于自己嘅小汉堡！
佢系用咗虾饼做中心灵魂，混杂特制芥茉浆汁。清香而小辣，非常开胃。系西化左既中式口味，西式小汉堡的造型，一口一个，无人可以抗拒，非常完美嘅配合，唔怪得知系佢人气之选，实在滚动！呢度嘅是日炖汤沙参玉竹薏米炖猪展 (HK 42)。用料非常足够，材料多到吓亲我，一啖汤一啖肉，热辣滚动！炖汤内基本上有八成嘅材料，冇味精，无添加只售，系二人份量，食食吓忍唔住将啲汤渣搬咗出嚟，因为真系太多啦，阻住我毕汤。
哗，汤渣足足有一大碗！呢个价钱做到咁嘅诚意真系非常感动，净食肉渣都够饱了。猪肉炖完仲系嫩既，好野！。如果我住喺附近就好啦，可以日日黎饮一碗足料靓汤。
呢度啲冬笋普通鲜虾饺 (HK18)同咸香鱼子烧卖 (HK 18)，用一个木箱装起，特色系时size非常巨型。用了出奇地大只既鲜虾所做，诚意十足！原只大虾弹牙爽口仲要鲜甜，依家出面食只笼虾饺分分钟系特点，价钱唔平之余，亦都冇乜鲜味可言，真系好耐冇食过咁鲜甜嘅虾饺。感动！
咸香鱼子烧卖 (HK 18) 亦都系用上鱼子酱做点缀，咁贵重嘅材料系本地化嘅菜式上，又系另一种感动。食点心都可以食到好矜贵，好滚动！
乌冬咖喱鱿鱼煲 (HK 22)，真心觉得呢个非常之好食。首先，咖喱系好好味嘅，而且佢个底度有好多乌冬，因为食点心有时一两个人食，叫一碟炒饭又叫唔到太多点心，呢一个乌冬非常够份量，热辣辣嘅时候咖喱又非常之刺激，一个人食啱啱好！值得推介！结论系呢度嘅点心非常之有诚意，同出面传统嘅茶楼比较，诚意同创意十足，价钱相宜，实在找不到不回来再吃的理由。广东人嘅情意结--饮茶，始终都系生活嘅一部份，但系好嘅选择真系越来越少。
老点虽然唔系一间大茶楼反而做到每样野精益求精，而且将我哋一啲传统嘅口味加左日式中式西式嘅做法，妙！
题外话/补充资料：
佢多元化既菜式，亦切合适合客人嘅要求同埋现在市场嘅需要。最重要一句。。。就系价钱非常非常非常之抵食！原本只系谂住食少少野，结果叫到一枱都系。但系我都系差唔多食晒，唔舍得浪费甘好味既认真制作。
点心真系香港人嘅情怀，边忍心嘥左大厨做点心嘅诚意？
大家不妨多啲支持呢d 有诚意嘅本地餐厅。
(以上食记乃用户个人意见 , 并不代表OpenRice之观点。)
张贴
