多賀野 (新城市廣場一期)

营业中

休息中

平安夜睇完戏出返新城市，先发现多贺野开张咗，见到间铺头都靓靓地，就谂住试一次。员工非常有礼地带我地入座同点菜，想试吓盐味同酱油嘅面，同埋点咗两份小食。饮品有各种汽水，大概38蚊一支，本来想skip的，不过一场黎到就试吓啦。信州苹果汽水，几清新同甜度适中。估唔到盐味沾面嘅汤底会有火炉仔热住个汤，可能因为咁汤嘅香气散发出黎，非常吸引。汤入面烧过嘅肉好好味，而且个汤唔系其他铺头结身嘅沾面汤，食完负担都唔大。叉烧肥瘦均匀，只蛋就更系好食。酱油拉面嘅配料同上面沾面配料好类似，汤底应该系鱼类嘅汤，几清新！仲多咗只蛋。吉列炸蚝嘅肉唔老，而且炸粉唔厚，味道唔错。加上沙律即刻冇咁腻。呢个系本日最出色嘅吉列和牛芝士丸，入面啲芝士因为热溶而可以拉丝，非常夹牛肉同炸物。而且和牛肉质好好，就算食到最后食晒啲芝士，味道依然唔失色！唔知系米芝连定呢度地段嘅关系，心里都系觉得定价偏贵，小食都接近80蚊一份，所以都系耐唔耐返黎回味吓和牛芝士丸好喇。