新肥泉海鮮大排檔

营业中

休息中

去大排档就梗系要食地道嘅港式小炒啦 😮呢晚嚟咗官涌市政大厦上面嘅熟食中心 叫返几碟镬气小炒😉肥泉小炒王呢碟份量好大 仲有好多材料🦐 包括韮菜 虾干 银鱼仔 鱿鱼 果仁 同红椒 真系够晒丰富啊🥬椒盐九肚鱼估唔到呢碟有咁多条鱼 九肚鱼炸到金黄色 但鱼肉仲超级嫩滑🐟 不过食嘅时候要小心啲 因为入面有鱼骨㗎 如果个椒盐味再多少少呢就正啦😂黑椒牛仔骨黑椒味道几浓 好啱送饭食 牛肉好易咬开 唔会好韧🐮 侧边啲配菜例如洋葱青椒都好入味菠萝咕噜肉酸酸甜甜嘅味道 炸粉唔会好厚 啖啖肉唔会有骨🐷 真系咕噜肉嚟㗎 坊间其他舖头成日都系好多骨冇肉食🙊食镬气小炒配枝装汽水真系零舍夹🥤 啲店员嘅服务都好好态度 同其他呼呼喝喝嘅大牌档好唔同呀 最开心系仲有玻璃樽嘅汽水😎