天天海南雞飯 (新城市廣場三期)

营业中

休息中

记得去星加坡旅行的时候，会特登去唐人街附近Maxwell foodcourt 找寻地道美食。其中一间好出名嘅系天天海南鸡饭。刚巧沙田有呢间分店，我哋最近又去唔到旅行，就决定嚟到呢度怀念下。间店开放式，地方都几宽敞，感觉特色。佢哋嘅餐牌都好特别，好似一本杂志咁样。我哋叫咗以下嘅食物：鸡肉滑，酱汁都好有风味，有浓浓嘅星加坡豉油，另外有点鸡嘅辣酱。呢啲酱汁攞嚟送饭都好好味。想不到咁大碗！有鸡油香味，就咁食饭都满足。我哋都好似冇食过西兰花苗，感觉都几特别。佢嘅口感有少少似菜心，味道系西兰花。炒得都几好味，有蒜蓉及银鱼仔香味。豆腐花同香港嘅好唔同，本身里面有甜味，有啲似维他奶嘅味道，口感好细滑；加上美禄朱古力粉都几特别。饮品好大杯！美绿同美禄粉一齐饮好得意，会有美禄粉系脆卜卜嘅感觉。另外下面嘅豆花都令到饮落去有层次。咖啡味道都几香，唔会太过浓烈，平时好少饮咖啡嘅我哋都接受到。另外，本身入咗时佢哋会有壶茉莉花茶，都几清新。总括来讲，呢间店嘅感觉都唔错。其实几适合一家人一齐嚟。