影片
更多
2021-11-10
1206 浏览
完全冇谂过星期一都可以坐无虚席, 食到我地差唔多走都仲有人啱啱先坐底😅 呢度成个装修都系走泰式街头风, 枱枱凳凳都系大排档会见到, 而且都坐得几逼, 真系有大排档既氛围🙃 食物同饮品既选择都几地道, 质素都比想像中好添🥰酸辣龙凤爪沙律🥗($78)食泰国菜必点, 有别于平日食到既酸味比较重, 今次呢个系劲辣, 凤爪劲弹牙爽口, 沙律劲多, 系一个超refreshing 既前菜, 但系如果唔太食得辣既朋友就唔好挑战喇🧐串烧沙嗲🍢($88)猪同鸡每样三串, 烧到香喷喷同埋够热辣辣, 点埋个沙嗲酱绝对系无懈可击😎 我觉得叫呢个串烧会好过叫串烧拼盘, 因为见到隔离枱叫左除左肉之外仲会有烧肠仔, 但系肠仔好似普通左啲, 所以想啖啖肉又平啲既话我建议叫呢个🙂香茅烧鸡半只🐓($88)半只既份量都算多, 鸡整到好有色泽感, 而且肉质好滑, 就算系鸡胸既部分都唔会”鞋”，再点埋个特制辣酱同只鸡超夹😎 不过香茅味就欠奉, 但系都系一只好食既烧鸡👍🏽醉猫炒河🍲($88)见到个名以为有酒去煮, 但其实一啲关系都冇😂 个名有两个唔同既说法, 有人话系起源自有个厨师饮醉酒求其炒出嚟, 亦有人话专门系煮畀醉咗嘅人食😉
完全冇谂过星期一都可以坐无虚席, 食到我地差唔多走都仲有人啱啱先坐底😅 呢度成个装修都系走泰式街头风, 枱枱凳凳都系大排档会见到, 而且都坐得几逼, 真系有大排档既氛围🙃 食物同饮品既选择都几地道, 质素都比想像中好添🥰
酸辣龙凤爪沙律🥗($78)
食泰国菜必点, 有别于平日食到既酸味比较重, 今次呢个系劲辣, 凤爪劲弹牙爽口, 沙律劲多, 系一个超refreshing 既前菜, 但系如果唔太食得辣既朋友就唔好挑战喇🧐
串烧沙嗲🍢($88)
猪同鸡每样三串, 烧到香喷喷同埋够热辣辣, 点埋个沙嗲酱绝对系无懈可击😎 我觉得叫呢个串烧会好过叫串烧拼盘, 因为见到隔离枱叫左除左肉之外仲会有烧肠仔, 但系肠仔好似普通左啲, 所以想啖啖肉又平啲既话我建议叫呢个🙂
香茅烧鸡半只🐓($88)
半只既份量都算多, 鸡整到好有色泽感, 而且肉质好滑, 就算系鸡胸既部分都唔会”鞋”，再点埋个特制辣酱同只鸡超夹😎 不过香茅味就欠奉, 但系都系一只好食既烧鸡👍🏽
醉猫炒河🍲($88)
见到个名以为有酒去煮, 但其实一啲关系都冇😂 个名有两个唔同既说法, 有人话系起源自有个厨师饮醉酒求其炒出嚟, 亦有人话专门系煮畀醉咗嘅人食😉 用既河粉非常阔, 配料好随意, 今次有青椒, 葱, 车尼茄, 肉醉, 配料非常丰富, 而且面质腍得黎又会有返些少口感, 绝对要食😍
炒金边粉🍳($88)
味道相对地淡同埋成个pad thai既颜色都好浅, 比起其他菜式黎讲呢个真系有啲失色
泰式冻奶茶🧋 ($38) 茶味浓得黎又够滑又唔会太甜, 仲要冻冻地, 食完咁多辣野饮返杯冻奶茶绝对系解辣既首选🤩
呢间泰国菜既地点唔算起眼, 但系如果经过行过都会忍唔住望两眼好奇系咩餐厅🍴 食物质素加埋个价钱我觉得几值得一试👍🏽 另外餐厅逢闩蒲四至六仲会有免费泰式雪条食添呀, 想食既话可以拣呢三日去嫁🤓
张贴
