新利群飯店

营业中

休息中

疫情仲系徘徊喺3000宗，好多餐厅都收好早，好彩仲有新利群开到好晏。佢到九点就有得饮夜茶，所以就叫左好多点心:香菇鸡包仔 $20有啲似菜肉包，只不过系多咗啲菇味。传统糯米鸡 $29里面有火腿、鸡翼、鹌鹑蛋、肉碎，里面有咁多料，可想而知个糯米鸡有几咁大，成个糯米鸡亦好香荷叶味。黑椒金钱肚 $22有啲好爽口，有啲太腍，黑椒味唔重。四宝滑鸡扎 $24鸡肉好滑，鱼肚好爽，索晒啲汁，猪肚亦好爽弹。蟹皇滑烧卖 $22本身粒烧卖已经好弹牙，加埋入面嘅虾仔，弹上加弹。新利群虾饺皇 $29饺皮有啲厚，不过啲虾系爽口弹牙嘅。老实讲，咁嘅时势，夜晚有个地方食下点心，已经算唔错。