甜在心 (已結業)

食完令人失望的"巨一"(详见另一食评), 继续在佐敦区觅食, 游走到近宝灵街的甜品舖.曾经有一段时间常常到官涌或九龙公园打波, 睇住附近由从前只有"澳洲牛奶公司"到现在甜品舖开到成行成市, 不禁慨叹时间飞逝...讲多无谓, 本来想去"宏", 但因只食甜品, 决定一试对面的"甜在心".由于时间尚早, 二人亦可坐四人台坐梳化位, 十分舒适.先点个'香滑新鲜石榴露', 今期特价$18.食落其实并非特别, 不过石榴露质地'稀杰度'适中, 石榴香扑鼻, 入口清新, $18算抵.再点个'椰奶爽滑目黑$20加曲奇雪糕$7'所谓目黑, 其实是条状凉粉加黑珍珠(亦即由兰香子浸水而成的粒粒).可能此两种食材均带水, 令椰奶沟淡了, 椰香不多, 变成味道是沟了水的椰奶. 另凉粉及黑珍珠虽有两种不同的口感, 但食落感觉各自各的; 所以最好食只有那个雪糕球.总括来说, 我感觉不到'甜在心', 仅属普通, 给予中评.