天池日式放題 (已結業)

第一次和朋友来到天池日式放题，入到去感觉空间几宽落，唔会因为想摆多几张枱而 Pack 到密密麻麻，背对背贴住坐，同朋友可以自成一角，倾计众旧一流。另外试过咁多间日式放题，天池系第一间唔需要用纸落单，取而代之，系用QRCODE 登入餐厅嘅菜单，直接系自己手机落单，所有菜式都一目了然，系一个几方便的体验。唔知喺咪因为全电子落单嘅感觉，食物都跟得好足同快，完全无漏单嘅情况出现。食物方面，因为同一大班朋友的关系，我地都试左好多唔同款式，当中要数最印象深刻就系各类的刺身，当中包括吞拿鱼，带子，油甘鱼，三文鱼，北寄背，全部都好新鲜同鲜甜，仲有系其他地方未试过嘅脆筒海胆，新奇又好味，值得一试。另外大虾刺身真系好巨型同鲜甜，搞到我地都 encore 左几round。仲有串烧菠萝同天妇罗都系必试菜式。饮品方面，一大班朋友众旧当然唔少得要啤一啤佢，而天池免费提供啤酒任饮，当然仲唔少得各类汽水柠檬茶。但甜品就唔及其他放题有 movenpick 或 haagen dazs 提供，但都有唔同雪糕提供，完场既时候试左牛奶同冲绳海盐都唔错。整体黎讲三百蚊都算值回票价。