影片
更多
2023-01-25
85 浏览
讲真，少会去到咁远食嘢，不过系网上见到佢几有摩登风格，就谂住去试吓，但系估唔到去到先知成间餐厅都唔算系好大，好似我二点几去到嘅时候已经过咗午饭时间，所以唔系仲有好多客系到，所以坐落去都唔算逼夹，但如果系繁忙时间嘅话，就会有少少逼，如果唔钟意逼夹就尽量要避开繁忙时间，同埋晏昼去嘅时候，因为出面阳光大，所以影出嚟嘅相冇夜晚影嘅咁好睇咁除咗店面细之外，佢嘅份量其实都好少，如果系大食少少都未必够饱。咁我同朋友分别点了青咖哩蟹肉手制阔面和汁烧鳗鱼珍珠饭厚烧玉子，睇到都知份量唔多，所以想食饱啲可以叫扒，因为我见旁边桌点牛扒就很大一份，一个人都未必食得晒咁同好多西餐厅一样，一嚟先会上一个沙律，而佢嘅汁都系好常见嘅黑醋汁，不过就唔算落得好多，食到后半其实已经冇晒，同埋沙律菜又唔算话好新鲜，但系又唔系变黄𠮶种，不过佢唔系主角，咁就唔想评价咁多，因为食唔食都唔重要。青咖哩蟹肉手制阔面 $138可能睇图唔系好睇得出，可能睇落去有少少似白汁，但系实则是上，佢嘅汁似好明显嘅青色，食落去味道也不算好有咖喱味，而系椰汁同埋其他香料味比较重，但系又唔系好重口味，唔会好辣，系有少许嘅辣味减少酱汁腻嘅感觉；表面白色嘅就系
咁除咗店面细之外，佢嘅份量其实都好少，如果系大食少少都未必够饱。咁我同朋友分别点了青咖哩蟹肉手制阔面和汁烧鳗鱼珍珠饭厚烧玉子，睇到都知份量唔多，所以想食饱啲可以叫扒，因为我见旁边桌点牛扒就很大一份，一个人都未必食得晒
咁同好多西餐厅一样，一嚟先会上一个沙律，而佢嘅汁都系好常见嘅黑醋汁，不过就唔算落得好多，食到后半其实已经冇晒，同埋沙律菜又唔算话好新鲜，但系又唔系变黄𠮶种，不过佢唔系主角，咁就唔想评价咁多，因为食唔食都唔重要。
青咖哩蟹肉手制阔面 $138
可能睇图唔系好睇得出，可能睇落去有少少似白汁，但系实则是上，佢嘅汁似好明显嘅青色，食落去味道也不算好有咖喱味，而系椰汁同埋其他香料味比较重，但系又唔系好重口味，唔会好辣，系有少许嘅辣味减少酱汁腻嘅感觉；表面白色嘅就系已经拆咗壳嘅蟹肉，份量都唔少，就算捞匀一齐食嘅时候，都可以好容易食到蟹肉，但唔知系唔系人手拆蟹嘅关系，我竟然食到有蟹谷🫢（不过味道方面真系唔系好食到到底系急冻蟹肉，定系新鲜蟹，因为蟹味唔重，好轻易就比青咖喱盖过只味）
手制阔面可以好容易就把酱汁吸收，所以食落去嘅每一啖都系浓郁嘅青咖哩味，而菇菌嘅味道配上青咖喱也是意想不到嘅合适，所以整体来说味道不错，同埋唔好因为佢细分就觉得唔够饱，因为手制阔面吸收晒啲酱汁，所以食完都有啲滞
汁烧鳗鱼珍珠饭厚烧玉子 $138
你冇睇错呀，系一间西餐厅之中，你竟然可以食到一道日式料理，同埋仲要好贴心咁样俾埋筷子你，朋友都系抱住一个试伏嘅心态试吓，想知道到底依道餐品点解会被厨师放进餐牌上面，咁上枱碗饭个样都正正常常，但系同成个环境好唔衬，显得好奇奇怪怪咁；饭系日式那种珍珠米，所以吸收晒鳗鱼汁嘅味道，本人就唔系好钟意食鳗鱼，但系又好钟意食鳗鱼汁捞饭，佢嘅鳗鱼汁好明显系平时你可以系超市可买到𠮶啲，不过咁都好正常，唔系一间正宗嘅日本餐厅好少会自己煮鳗鱼汁。除此之外，佢嘅鳗鱼同厚烧玉子都系明显嘅急冻货，而且厚烧玉子仲要冇帮你翻热，冻冰冰咁，成个感觉都系劲敷衍。
伏，我哋就帮你试咗啦，所以千祈唔好叫依个！！
以上均是我个人观感，每个人嘅口味各有不同，所以末必同每个人嘅用餐感觉一样，如有不同，敬请见谅。
张贴
