茶記冰室 (已結業)

差不多一个月都最少帮衬一次嘅茶记，刚刚食完比较失望，系我食到惯咗佢啲味道还是真的退步咗?3 个人叫 3 个𩠌，其中一个唔系餐，但佢哋都会比 3 个例汤，但饭就得 2 个，无所谓啦我哋都唔系饭桶。例汤保持到水准好味够甜，我哋通常都系叫一鱼一肉一菜，菜叫咗西芹鸡柳，西芹无问题但鸡柳比较大雪味，所以我哋食晒啲西芹同腰果就算。凉瓜蚊䲝鱼，正常味，好少有闪失。原本叫咗个肉饼，我食到有酸味，但其他 2 个味觉有啲迟钝话唔觉有问题，直到见到另一台话有味要退我哋即刻就跟住退 😅😅 然后补叫咗个榄角骨，榄角骨呢度水准都可以，但次次叫就会食到闷啦！