Backyard Bistro (已結業)

昨天生日，就同呀仔试下呢间啦，晚上七点去到，可能平日，只得一枱客，我同呀仔点咗个二人套餐，价钱$338+10%，都算抵食。首先系暖的餐包同粟米忌廉汤，粟米爽脆，几好饮。跟住香辣芝士虾丸，好脆但好咸，都几弹牙。主菜拣了西班牙黑豚猪扒同龙虾汁海鲜意大利饭，呢个豚扒好香炭烧味，淋淋地我钟意，另外意大利饭我无试过，不过貌相好好，呀仔亦都食晒。之后两杯冻柠茶，正常味道，最后甜品味道OK，整体感觉是以呢个价钱食到中上餐厅级数系非常抵食，环境清静，不过好多蚊，我会再帮衬！