盛記粥麵

营业中

休息中

水饺同云吞选择，个人比较喜欢水饺，因为多咗三丝，木耳丝、冬菇丝、笋丝，增加咗呢种口感。水饺面上枱，适量韭黄，面身微黄，望落去好似橡筋，当然唔系，入口香滑，有面香味，无碱水味，用门牙可以轻易断，咬落去爽身弹牙，水饺包得好，够扎实，冇穿冇烂冇黐埋，虾量偏多少许猪肉，大概系八比二份量，仲有虾子，香甜够味，同埋个汤，可以做到汤清味浓，同埋个汤都有加到虾子，仲多多一丛味道，更加丰富。整体完度非常好，而且份量正常，唔系细细碗𠮶种，加上合理价钱，可以话交足功课以上。枱面酱料十足，辣椒酱，辣椒油，醋，胡椒粉，非常齐全，而且非常干净，有用心！