豪隍點心工房

营业中

休息中

估唔到呢间喺观塘好出名食手工点心嘅餐厅开到嚟太古城，由于太古城太大所以揾咗一轮都揾唔到，最后问太古城啲职员先至知原来佢匿埋咗喺二楼嘅food court入面。要试佢哋嘅点心梗系要先试虾饺啦，呢度一笼有两粒，不过佢个虾饺真系好大粒，虾饺皮唔算好薄，但系入面系爆多虾嘅，塞到实晒咁样，而且啲虾嘅肉质都几新鲜，呢个好食。马拉糕热辣辣，够晒松软，几香几好味。佢嘅炸春卷就麻麻地，主要入面啲馅麻麻地。反而个炸馒头有惊喜。整体嚟讲都系觉得观塘总店𠮶边嘅味道好啲。