Maki拉麵 (已搬遷) 新店位置

作为莞茜控又为食嘅我，好留意莞茜美食，比我知道油麻地*MAKI拉面*有莞莤拉面就要去试试。门外装修好似日本街头小食店，店内细细，但感觉好舒服。今次目标莞茜拉面系期间限定，细问店主之下每两个月就会换一次，以唔同颜色为主。好有心思，搞到我都好期待下次系咩颜色咩口味。两碗拉面卖相已经好吸引，好香好浓郁，拉面可以拣好自己钟意既烟韧度。原来店主曾经到日本学师，唔怪之得咁好味啦。莞茜拉面，成个汤底都系绿色，个面劲多新鲜莞茜。碗拉面梗系唔止莞茜，里面仲有蟹肉，鸡块，仲有粒紫色流心蛋，绝不马虎。好奇之下，问问店主，原来用左啲蝴豆花浸制而成，好特别。味噌豚骨浓汤拉面，叉烧每块都有火炙，每一啖都好香口同软腍。成个汤底挂哂系面度，枱上仲有啲醋可以加少少，另有一番味道。虽然碗面系朋友，但我都饮左佢好多汤。🤣另外叫左葱花蛋卷，鸡软骨同烤年糕，最特别系鸡软骨，真系大大件既软骨，鸡肉嫩、软骨爽口。食野期间，有食客赞同比左啲意见，见店主都好谦虚同超有礼貌，超赞。