影片
更多
2017-06-06
15842 浏览
又上太空了..., 上次去低一层的龙玺, 因为乱搭笠, 上错咗103楼, 要揾位靓女 专登开架电梯落翻去. 今日就无搅错了, 到102楼的天龙轩晚饭, 首先必须坐电梯上103楼, 再落翻一层..., 好麻烦??? 系! 愈高档既食肆, 就愈多麻烦嘢啦... 上一次, 101楼饮茶, 曾经提过, 香港发展商起楼, 40层就讲到系60楼, 60层就讲到80层, 到底102楼, 即系几多楼呢? 今次即刻上网了解一吓..., 果然有发现..., 呢个世界, 无聊人, 实在太多, 已经有人做了详细研究, 整栋大厦报称108层, 但其中有些层数是跳过, 就是: 114, 105, 104, 94, 93, 84, 83, 74, 73, 64, 63, 54, 53, 44, 43, 34, 33, 29, 28, 26, 24, 23,14, 13, 7, 6, 5, 4, 总共系28楼, 也即...这是一栋80层的大厦, 又系...上次讲咗..., 对我而言, 80楼都好Q高啰....咁高级既食肆, 如果天天都满座, 真系不得了..., 听讲话, 果个富豪... 阿边个呢..., 味就系果个啰
又上太空了..., 上次去低一层的龙玺, 因为乱搭笠, 上错咗103楼, 要揾位靓女 专登开架电梯落翻去. 今日就无搅错了, 到102楼的天龙轩晚饭, 首先必须坐电梯上103楼, 再落翻一层..., 好麻烦??? 系! 愈高档既食肆, 就愈多麻烦嘢啦... 
上一次, 101楼饮茶, 曾经提过, 香港发展商起楼, 40层就讲到系60楼, 60层就讲到80层, 到底102楼, 即系几多楼呢? 今次即刻上网了解一吓..., 果然有发现..., 呢个世界, 无聊人, 实在太多, 已经有人做了详细研究, 整栋大厦报称108层, 但其中有些层数是跳过, 就是: 114, 105, 104, 94, 93, 84, 83, 74, 73, 64, 63, 54, 53, 44, 43, 34, 33, 29, 28, 26, 24, 23,14, 13, 7, 6, 5, 4, 总共系28楼, 也即...这是一栋80层的大厦, 又系...上次讲咗..., 对我而言, 80楼都好Q高啰....
咁高级既食肆, 如果天天都满座, 真系不得了..., 听讲话, 果个富豪... 阿边个呢..., 味就系果个啰..., 系狱中挨咗十八个月皇家饭之后, 一申请到保释, 第一餐饭就系系嚟呢度食.... 咁..你知系边个啦! 
靠窗口的座位, 只有六人台, 当然... 你四人的话, 也可以给你坐, 但如果是七位以上, 那就与海景无缘了..., 龙景轩的对外景观与龙玺刚刚相反, 龙玺望对面香港东南方, 天龙轩则望后景西北, 油麻地避风塘一带和它长长的防波堤, 映入眼帘, 还能免强辨认, 是大大的昂船洲. 
坐下不久, 先来一客前菜, 每人一碟, 应该是免费的, "免费"既意思系...已经计了入茶芥项目, 系香港, 无论系几高级的食肆, 都会用尽方法, 系不同程况之下收取费用... 这是常识吧.... 哈哈哈... So..., 最好味是竹荀, 微微酸, 完全无根, 软中带爽, 
同台友人带酒, 无留意系咩嘢名堂, 只知道系香槟..., 系真"香槟", 香槟区出的香槟, 并非有气白酒, 果香味显著, 最重要系"少甜", 啱晒胃口, 天龙轩的自带餐酒费用是$500/一枝, 好贵..??? 系!! 好@贵! 下次再嚟, 会同部长讲吓价, 话唔定会唔收添...! 跟住...友人一句"得"埋嚟: 去楼下圆方既大快活, 自带酒水, 免费!!!
芝麻海蜇冻鲍丝 ($135), 菜名也算写得够谦虚... "鲍丝"..., 其实写"鲍条", 也未为过, 鲍鱼切得也算中粗有厚度, 海蜇垫底, 两旁放青瓜, 一般酒楼也要六、七十元, 这里一百三十五元, 贵一倍..., 好犀利????? 少年, 你太年轻, 太少见识了.... 哈哈
窝贴大虾多士 ($130), 刚不久前, 才在中环香港大学校友会, 食过... 据闻很出名的"凤尾虾多士" (系"据闻"咋....), 四件卖九十元, 天龙轩的虾多士, 无咗条虾尾, 六件, 收一百三十元, 论口味质素, 香港大学校友会做的虾多士, 多士和虾肉都比较厚身, 口感较为丰富, 但论"性价比", 天龙轩唔算收得贵.
蜜烧西班牙黑豚肉叉烧 ($320), 做生意, 讲过"信"字..., 香港首富都系咁样样讲 (好似系...), 何况贵店系国际知名米之莲星级店, 你话用西班牙黑豚肉烧出来的... 我梗信㗎! 但... 以我这等凡夫俗子的水准, 点可能食得出系祖国货还是西班牙货吖..., 但无问题, 同台有饮食专家, 某位饮食专家咬了第一啖, 就叹了一声: "好软熟, 又带些少爽口, 外层微微焦㶶, 烧得火喉刚刚好, 西班牙的黑豚肉...果然出色!!", 嗱... 咁样样..., 专家食得出系西班货, 我无理由唔信啦.... . 一客西班牙黑豚肉叉烧, 有八件, 卖三百二十元, 即是一件四十元(如图大小, 大概1.5cm x 4cm), 贵过我楼下茶记食一碟叉烧饭少少啫..., 我觉得..., 好抵食呀....!
原个椰皇花胶炖鸡 ($410), 椰皇炖汤的材料, 算交足功课, 花胶比一般的酒家用的厚身很多, 炖汤用的鸡肉, 我食唔出有甚么特别, 反正煮汤用的鸡, 冰鲜或新鲜, 基本上没分别. 煲完汤的鸡肉, 如果你食得出分别, 你必定系一等一高手, 那... 无理由你还会睇Openrice㗎...!? 我唔信啰, 一等一既食家系唔会折磨和摧残自己的心灵... 哈哈哈... anyway, 讲翻这件用椰皇炖的花胶鸡汤, 椰香味道, 闻到但尝不到, 饮时未知价钱, 饮完后, 看餐牌才知道, 四百一十元 ..., 可以去食一次中等价钱既自助晚餐了("中等价钱"系包括埋印了openrice的优惠卷.... )
花雕蛋白蒸蟹拑 ($310), 刚才的炖汤价钱, 可以食中价自助餐, 那...这件蒸蟹拑的价格, 则可以食一次平价自助餐了. So...., 蟹拑的确够巨型, 卖相也十分精美, 放在有花雕酒煮过的蛋白上, 闻一闻, 大力一索..., 花雕味道..., 少香而不浓, 少少酒香, 对于不饮酒的女士们, 味道刚好, 但好酒的男士, 则略嫌淡了一点. 蟹拑肉质高水准, 蒸得时间也刚好, 完全无鞋口, 虽然三百一十蚊一只, 但相对于港大校友会, 也要二百八十元一只炸蟹拑, 这店的价格, 直情可以用超值嚟形容啦.... (穷L 唔好流口水了, 一定无你地份!)
龙轩东坡肉 ($112), 一件太饱, 与友人共享, 各人半件, 颜色略偏深啡, 与一般江浙菜馆做的东坡肉有所不同, 但入口味道则差不多, 曾经食过低几个级数的米之莲推介店, 湾仔既杭州酒家, 其东坡肉做得比这店更软和化一点. 图中那两件伴碟挑花东瓜, 如果蒸煮得再淋一点, 就very good 喇...
姜葱蘑菇焗鸡 ($275) , 蘑菇味道, 十分轻身, 鸡皮并非烧得香脆的品种, 幸好不算厚, 仍然可以与鸡肉一同入口, 以天龙轩的级数, 二百多元的焗鸡, 当然不会是新鲜鸡, 肉质也没有甚么特出之处, 相比起家人在深水埗买回家的走地鸡, 如果再来, 不试也不觉可惜. 
红甜椒豆豉爆和牛 ($648), 这味菜, 绝对系经典之作! 未睇餐牌由是可, 一睇!... 真系要学"靓次伯", 来一句: 哎也也...., 再谂起"汪阿姐"话斋: 吓得我心都即刻离一离..., 呢碟非常精致的既"西芹红椒炒牛肉粒", 索价六百四十八元, 每件大约1.5cm x 1cm 大小既牛肉粒...., 我数过, 我真系数过..., 起码有八粒..., 我食咗好多...., 唔系牛肉, 系西芹和红椒, 咁牛肉呢...?? 食咗一粒咁多 (六位人士, 女士有优惠, 分到两粒是常识吧... 你想食两粒!? 扮女人啰... ). 我虽然食咗一粒, 但放入口, 我咬咗好耐, 唔好误会, 唔系牛肉太韧, 牛肉粒 不知几正, 又软熟, 又无根, 又唔鞋口, 只不过..., 成八十蚊一粒牛肉, 好似半件擦胶大小..., 好肉赤, 要咬翻够本先舍得吞落肚... 
松露翡翠竹笙卷 ($242), 这味素菜, 对比起那次在龙景轩, 二百八十元的"琵琶映纱窗", 即鲍鱼菇竹笙芦笋, 可谓旗鼓相当..., 但我认为天龙轩略胜一畴, 平了四十元, 多了松露 (系...松露咋, 无话系黑松露, 有咩嘢唔同!?? 鲍鱼和素饱鱼都系差一个字啫....), 正所谓... 巧立名目订高价, 都要有做得够卓头, 消费者先会比得心甘命抵啰..... 哈哈.... 
芝麻奶皇煎堆仔 ($75), 平均一粒二十五元, 入口好热, 即炸既, 一定好味道! 前两日去稻香饮茶, 都食过煎堆仔, 还记得... 都系即炸, 好热, 好香口, 都系一客三粒, 但价钱好似系$13.5一客, 即系$4.5一粒..., 同天龙轩有咩嘢分别??? 梗有分别啦..., 天龙轩...意景高好多...., "意景" 呢家嘢, 你地普通市民识条铁咩!
香芒杨枝甘露 ($95), 非常多柚子粒, 但芒果不算多, 从液体的杰度判断, 应该都用了很多芒果蓉打出来, 而味道... 与我差不多每星期 都有帮衬的"芝麻绿豆甜品店"不相伯仲, 但"芝麻绿豆甜品店"卖紧二十八蚊一碗, So...., 天龙轩的$95, 与芝麻绿豆的$28, 你梗以为 我又会话..太贵啦.??? 完全错晒! 埋单时, 部长话...., 多谢你地帮衬, 又见你地咁靓仔, 香芒杨枝甘露, 唔收钱, 免费送比你地食.. ... 唔信？？？？ 真系免费㗎 ... ....... 除咗靓仔啰 ..
食完饭, 天都黑晒, 灯火景色更美. 食完咁贵嘅一餐 , 心里有点唔舒服 .... 感觉 .... 好败家 ... 唉 ...
张贴
