大漠 (已結業)

今日一行四人去到大漠，因早几日巳订了枱，知道一定不用等位！当我地准时去到，发觉其实可以不用订枱亦有位！舖内环境都算ok，侍应表现亲切，之前睇了open rice内纲友推介此店既食品，心中亦知道要叫什么！但有些食品都好想知道是什么， 于是问侍应佢地好有耐心去解答，感觉有礼同好亲切！当晚我地叫做有鸭胸老虎菜、羊鞍、咖喱牛肉、哈蜜瓜炸牛腩、串烧三拼(牛羊鸡各二串﹞、烤饼。我同个女性朋友叫左一杯花茶叫做心心相卬，都几好饮，最后甜品佢地送既羊奶冻，感觉几滑味道不错。本人觉得最好食系羊鞍，真的好正。而牛方面我俾唔到意见因我完全唔食牛，我问左我老公佢话个哈蜜瓜炸牛腩几好食。其实同纲友讲既都几对板，因为我系一个好钟意食羊既人， 喺香港好难揾到一间较为多羊食而水准亦唔差既食店，大漠喺一个唔错既选择！大家要留意大漠逄星期三休息嫁！