Coffee Talks (已結業)

是日同好朋友high tea,平时成日经过太子都见唔到呢一间cafe,上网睇见呢一间嘅牛油果沙冰好似好好饮所以黎试下。太子地铁站B出口行过嚟5-6分钟,今日系星期三嘅下午,Cafe人流唔算多,一行入去感觉好企理。 本来想叫意大利饭,但系原来lunch系去到两点半,咁就索性叫𠮶黑松露班尼迪蛋,配牛油果沙冰,朋友就叫咗个下午茶餐,apple crumble,配冰摇咖啡。首先讲讲我期待既牛油果沙冰,啲冰打得好碎,好滑,唔会有一旧旧既冰粒,但系略嫌唔够牛油果味,如果牛油果味可以重啲就更好啦黑松露班尼迪蛋,好香嘅黑松露味,而且有好多菠菜同埋蘑菇片,配以半碟沙律菜,感觉好健康,哈哈,冇咁有罪恶感朋友嘅apple crumble,我自己就麻麻地,所以冇试啦,摆盘都几靓嘅,朋友就觉得有好多燕麦,整体比较甜。呢度嘅service都几好, 隔离枱客人一走,waitress好快就会执台,而且有时候见到啲cafe侍应质素真系好差,可能自己喺度揿电话又或者不断倾偈,连客人举手示意都会见唔到,呢度就冇上述情况出现,值得一赞。