飲嘢 (已結業)

由23/8等Openrice，终于帮我加左呢间铺！系网上见到有人SHARE出黎，又系新开，所以去试下呢间饮野。间店系饮野既，又叫「饮野」，真系玩野。不过，有样野大家要留意，佢既地址系大埔旧墟直街9号，唔好以为系大埔旧墟既「直街」到，真系有条街叫「旧墟直街」。去到间店，我好钟意呢间店既间隔，佢门口系落地玻璃，而玻璃前就摆左圆形高既酒吧枱，望住街外，感觉好好！另外，都有平常枱櫈同埋梳化坐下。我地叫左「符碌茶」、「奶缇普洱」、「香脆鸡粒」。「符碌茶」即系水果茶，佢就唔会好似「咖啡弄」个d咁浓味，佢就淡d，不过我认为系岩岩好，而且有d果香。「奶缇普洱」就用啤酒长杯装住既，成杯系浓普洱，系上面加层cream，好似「贡茶」既「奶盖」斋饮野好似寡左d，于是叫左「香脆鸡粒」黎食。唔知系唔系食过「继光香香鸡」既原故，觉得香港既鸡粒好似差少少。呢个鸡粒个味系淡d，唔会放d味粉捞下，但有茄汁同介抹酱比你点。总结，饮野好饮，座位舒服，绝对要encore。