巨一麵堂 (已結業)

今日同女朋友经过入咗去呢间野，自问平时经常食拉面，呢间实在太垃圾所以决定写食评，叫咗酱油叉烧拉面同埋炸猪扒拉面，先讲呢度嘅环境，食拉面最棹忌通风设备做得唔好，冷气唔够,要人一路食一路流汗，所以呢度系可以做得好啲，卫生算系做得OK，起码唔会觉得污糟，但食物水准真心有待改善.先讲拉面，既然呢度用得面堂两字，拉面水准，唔应该咁垃圾，以八十几蚊一碗拉面来讲10分满分我只会比一分，首先面底系百佳可以买到嘅面底，真心平时超市有卖嘅十六蚊味千拉面拎返去煮个啲，面底好过佢多多声，更加唔好话同出边有水准嘅拉面店比，汤底更加不知所谓，成碗都系味精汤，一味得个咸字，同饮鸡粉汤冇分别，其他配料来讲，糖心蛋算系做得中规中矩，唔难食，但系猪扒亦都系整得好差，只可以话系熟咗重味精味嘅猪扒，一味得个咸字又系. 服务态度还可以，亦都系中规中矩.总之呢间嘢食个冇下次，亦如标题愧对面堂二字！钟意食拉面嘅朋友我十分吾建议！咁嘅价钱可以去铜锣湾食返啲有水准嘅拉面！