翁記上海館 (已結業)

Item: 翁記上海館
Rating: 5
Author: lht14

85 食记

味道

环境

服务

卫生

抵食

1218

慈云山

$51-100

沪菜 (上海) 中菜馆

lht14

等级4

337

细细个系慈云山返学，听讲近年呢头改变咗好多，今晚放工上去故地重游，成个慈云山好似唔同晒咁，行经见到呢间叫做翁记嘅上海菜，舖面几光猛，望入去又好似几干净咁，一于入去食个饭啦。食上海嘢当然唔少得食个小笼包，我哋两个人叫咗四个，望落去系好似比平时食开𠮶啲大少少，心谂算啦粗野食住先，又唔系出名的上海餐厅不必挑剔咁多，但食落先知完全系睇小咗呢几个小笼包，皮簿又靓当然系啦，而里面嘅猪肉十分之香滑，经过高温嘅蒸煮，小笼包都充满肉汁，觉得啲肉汁有少少黐黐地，因为猪肉的胶质都溶咗入去，想不到小店之中的小笼包可以咁出色！唔知其他人会对呢味口水鸡嘅接受程度去到边度，因为除了辣油花生粒仲加了芝麻酱，但系我个人就认为加左芝麻酱系无得输，因为芝麻酱甜甜地又香滑，好多人都好钟意芝麻酱拌沙律做冷盘，而翁记就好大胆创新咁用佢落在口水鸡呢味冷盘之中，而且有朋友唔系好食得辣嘅时候，其实芝麻酱有少少奶的质地，系可以解除左辛辣对舌头嘅刺激，我同我朋友好快就食晒成碟鸡。一碟京葱爆羊肉只系$78 ，仲想点！羊肉香，京葱又香，佢哋两个系天衣无缝的激情组合，呢味𩠌系连埋窝窝头的，但系店员话窝窝头已经卖晒，可以比我地拣馒头或者银丝卷，

40 浏览

0 赞好

0 留言

细细个系慈云山返学，听讲近年呢头改变咗好多，今晚放工上去故地重游，成个慈云山好似唔同晒咁，行经见到呢间叫做翁记嘅上海菜，舖面几光猛，望入去又好似几干净咁，一于入去食个饭啦。

食上海嘢当然唔少得食个小笼包，我哋两个人叫咗四个，望落去系好似比平时食开𠮶啲大少少，心谂算啦粗野食住先，又唔系出名的上海餐厅不必挑剔咁多，但食落先知完全系睇小咗呢几个小笼包，皮簿又靓当然系啦，

而里面嘅猪肉十分之香滑，经过高温嘅蒸煮，小笼包都充满肉汁，觉得啲肉汁有少少黐黐地，因为猪肉的胶质都溶咗入去，想不到小店之中的小笼包可以咁出色！

唔知其他人会对呢味口水鸡嘅接受程度去到边度，因为除了辣油花生粒仲加了芝麻酱，但系我个人就认为加左芝麻酱系无得输，因为芝麻酱甜甜地又香滑，好多人都好钟意芝麻酱拌沙律做冷盘，而翁记就好大胆创新咁用佢落在口水鸡呢味冷盘之中，而且有朋友唔系好食得辣嘅时候，其实芝麻酱有少少奶的质地，系可以解除左辛辣对舌头嘅刺激，我同我朋友好快就食晒成碟鸡。

一碟京葱爆羊肉只系$78 ，仲想点！

羊肉香，京葱又香，佢哋两个系天衣无缝的激情组合，呢味𩠌系连埋窝窝头的，但系店员话窝窝头已经卖晒，可以比我地拣馒头或者银丝卷，我哋拣咗银丝卷，佢仲可以比我地拣系蒸定系炸。怕热气拣咗蒸。

但是知银丝卷上咗菜之后，个外表系好似同馒头差唔多样，拿起来先知道里边系有啲空位，咁我就自由发挥咁样放左啲羊肉入去一齐食，有几惹㖞，银丝卷蒸得软软的，又有少少甜甜地，加上京葱爆羊肉的浓郁，呢个组合好正啊。

上海式炒米粉

。炒得啲米粉好爽身，一啲都唔油腻，连肉碎同埋集材一齐炒，好够味。

酒酿汤丸简直系令人销魂！其实从来都冇食过呢样甜品，店员介绍之下，试吓冇咩所谓。有酒酿丸子呢两个字仲以为系会唔会好重酒味咁呢，唔知会唔会食到醉，但食落觉得十分之惊喜，一粒细细的汤圆，都好软身，中间嘅芝麻馅同外面粉团嘅比例好好，唔会觉得太甜，再加上外面有轻轻酒香同小小清甜嘅酒酿甜汤衬托着，我简直觉得呢个甜品系好完美嘅！