雲風堂

营业中

休息中

系门口见平平哋30几一碗米线，以前食过味道都算正正常常，就同屋企人入去医下肚。大家见到咁嘅价真系唔好期待啲咩。入到去揾左个咬唔正嘅姐姐落单，嗌左4碗米线1个小菜。个姐姐仲“好好心”咁提我哋有2个米线包嘢饮冻饮加$3，我哋心谂嗌咗2碗烧猪软骨米线 1碗三杯鸡凉伴米 1碗排骨卤米同埋1碟芹菜牛肉，唔通两个猪软骨米线送嘢饮？虽然都觉得奇怪，但系冇理由质疑个咁熟餐牌嘅阿姐啫？点知睇返单，唔单只落漏咗个米线，原来个阿姐仲自动自觉将2个米线加咗$8变套餐。有乜理由指住个单点嘅落单，个阿姐自己强制性改咗做套餐会系合理嘅？真系有！只要你黎食呢间嘢就有可能体验到！我哋即时同个阿姐讲返，佢死都唔认。最后一个疑似系老板娘嘅阿姐过黎同我哋理论，唔知佢系觉得烦懒得处理定点，好敷衍咁话取消2杯嘢饮。咁我哋都算啦，始终一开始都冇想嗌嘢饮。🤷到埋单比钱时，𠮶个疑似老板娘嘅阿姐仲要用唔忿气嘅语气收钱。真系黎受气受罪。🙄不过间嘢始终好平，$30几一个米线，唔介意受罪嘅都系一个月尾嘅好选择嘅。