渝酸辣粉

营业中

休息中

平时好少写食评，但今次真系忍唔住要出手赞下渝酸辣粉，希望多啲人支持佢。经过呢间野好几年，今日都系第一次食，叫左碗肥肠粉红汤，老板好好礼貌，成间舖既人都好亲切。红薯粉略嫌硬，可能平时自己食开淋既，下次可以叫淋啲。叫左正常辣，个汤有啲后劲，麻辣之外有胡椒味，个人几中意。另外加左个钟水饺，见到好多人推介，真系好好味，个汁甜甜辣辣，好开胃，味道好难忘，唔系一味得个辣字，食完仲回味紧！一个人食左一碗粉再加五只钟水饺都食得哂。另外值得一提既系小店非常贴心，会主动加茶，见我用左张纸巾会补一张纸巾比我，见我差唔多食完会比牙签，好贴心，上下员工都好亲切，冇一般饮食业晦晦气气既态度。