玉葉越式料理

营业中

休息中

原本打算試下新嘢，咪去呢間食下，見嘢食都唔錯，價錢係康城嚟講都正常。但一入去，個黑衫企收銀呀姐唔知係咪心情唔好，黑哂面，又話求其坐喇，大把位坐。咁都算喇，食完嘢諗住飲埋杯嘢就走，咁啱佢行過，聽到佢同另外一個灰衫啊姐話我坐咁耐，又冤魂不散咁。我即刻望一望時間，只係坐咗半個鐘，唔講以為坐咗2個鐘。😊咁嘅態度同係客人面前講呢啲嘢真係第一次見，可能係我見識少喇，大家想試下呢啲服務就去食下喇！不過，嘢食真係都ok，其他後生員工都冇問題，好快就幫我落單拎水個啲。