影片
更多
2021-05-30
2245 浏览
从未写过食评，今日真系一肚火，唔写唔得！ 一入门口，妈妈未入，个男人婆已经用闹人嘅语气命令我阿妈快啲入嚟，原因系走冷气😡我妈年纪大，听力唔好，佢再大声喝佢，已经好想走，但阿妈唔想周围行（因为脚痛） 入到去，妈妈想坐木凳同高枱，因为佢上次坐藤椅凳会痛，佢一定觉得我哋好麻烦，佢块面黑到吖🌑！另外有个男人仲加把口，我呢度系咁细㗎喇！之前曾经帮衬过，态度系浮夸地热诚㗎！老实讲，食物真的一般，系啲甜品吸引所以先再帮衬，今日咁嘅对待，甜品都背脊骨落！可能佢唔稀罕我哋啲细客，佢对住其他人（尤其佢啲大客）系提高声调，扮哂殷勤！如果大家想帮衬，记得着靓啲、行快啲、唔好有任何要求、个男人婆心情好会好殷勤咁招呼你㗎！我就一定唔会再去！
一入门口，妈妈未入，个男人婆已经用闹人嘅语气命令我阿妈快啲入嚟，原因系走冷气😡我妈年纪大，听力唔好，佢再大声喝佢，已经好想走，但阿妈唔想周围行（因为脚痛）
入到去，妈妈想坐木凳同高枱，因为佢上次坐藤椅凳会痛，佢一定觉得我哋好麻烦，佢块面黑到吖🌑！另外有个男人仲加把口，我呢度系咁细㗎喇！
之前曾经帮衬过，态度系浮夸地热诚㗎！老实讲，食物真的一般，系啲甜品吸引所以先再帮衬，今日咁嘅对待，甜品都背脊骨落！
可能佢唔稀罕我哋啲细客，佢对住其他人（尤其佢啲大客）系提高声调，扮哂殷勤！
如果大家想帮衬，记得着靓啲、行快啲、唔好有任何要求、个男人婆心情好会好殷勤咁招呼你㗎！
我就一定唔会再去！
张贴