雄泰

营业中

休息中

入到去喺门口𠮶边坐低，三个男侍应有两个都黑口黑面。谂住叫嘢食，知佢哋忙，见其中一位侍应喺收银处𠮶边应咗我话等阵过嚟，我都话冇问题，等咗5分钟再回头望，见佢哋喺收银/整饮品𠮶度吹紧水。。咁我再入手，之后我见收银𠮶边有另一台都入手（迟过我），之前话等阵𠮶位侍应明明两边都见到，竟然即刻去帮佢哋落单先。仲离谱嘅系落完佢哋单之后，又冇咗件事继续喺𠮶边吹水。我最后忍唔住（由一开始想落单已经过咗10分钟）就直接行过去话唔该落单，佢仲黑晒口面话你等等啦。。🙄出去埋单嘅时候，着黑色衫嘅另一位男侍应问我哋坐边度，咁我指住出面门口张四人方形枱。点知佢皱晒眉头喺度质问我，系咪圆𠮶张枱啊定系边张？ 老实讲，自己唔沟通，反而态度咁差咁样问返个客系坐边度食咗乜嘢，真系好奇怪啰。⁉️嗌咗嘅炒金边粉亦都好咸，好多味精嘅感觉。。🤢冇晒之前嘅水准。总括嚟讲真系唔会再去。