綠林甜品

营业中

休息中

一大班人打算食完饭去食佢既榴莲班戟，一行11个人。落单位姐姐要求我地慢慢落单，我地就好慢咁讲我地要4份榴莲班戟，之后等左几秒先再讲要一份芒果班戟。点知，我地连个芒字都未讲，个呀姐就闹我地话 ，你讲慢啲，我写唔切。但其实我见到佢已经写完。之后佢既态度越来越差，我地每叫一样野，佢都闹一次我地讲得太快。因为我地多人，所以想问下可唔可以泊多一张枱，眼见好多枱都吉左。我地见到个男职员，就问可唔可以，点知佢一句话，你问柜台个呀姐，呢啲野唔关我事，我话唔到事。好啦，我地行去柜台好声好气咁问，佢又话佢话唔到事。最后见到个著便服又执枱带位咁，心谂系老板娘啦，再问佢。点知佢答都唔答，将啲执紧既碗扔落张枱，再好大力踢左张櫈一下，抹一抹张枱，就执翻走啲野。我地叫左好多野，其中一个系Oreo豆腐布甸。因为我地有人唔食花奶，咁就叫佢唔好落啦。点知佢仲要一面倒一面话，加花奶先好食，我地讲左唔要，佢都继续倒，态度仲要好差。当晚既人客唔多，但员工既服务态度都可以咁差。其实呢间甜品店既甜品都几好食，但点好食都好，食个甜品都要食到我好似受紧气咁，食到一肚火，好食都唔会再翻去食。